இடுகைகள்
கருத்துகள்
முதல் காதலென நான் கிறுக்க,
கிறுக்கலில் உன் நகத்தடம் கீரிக்கிழிக்குமுன்,
வியர்த்து நின்ற ஒற்றை நொடியை இன்றும் நான் மறவேன் !
பிரித்து சிரித்தாயோ, சிரித்தே பிரித்தாயோ;
என்றறியும் முன்னமே என் முகவரி மாரிட,
ஆயிரம் கவிபடித்தும் உன் முதல்கவி என் கிறுக்கல்,
என்றெண்ணி நகர்ந்தாலும்,
தூரா மேகத்தில் துளியேற்றும் காற்றாய்,
காற்றற்ற அறையில் பறக்கும் காகிதமாய்,
நீரற்ற குடுவையில் கரையும் சிறுகல் நான் !
#வினித்_மணிமாறன்
அந்தி வானடக்க, வாடையின் வலுகிறுக்கும்,
வரியற்ற வெண்பாக்கள் பெண்பாலின் கண்விளக்க,
சிரித்து சிறைப்படுத்தும் சிறியாளின் செவிதழ்கள்,
அவள் முறைத்தாலும் வழக்கிழுக்கும்,
பல்வரிசை பதன்படுத்த,
மொழி திரட்டும் பல் இடுக்கில்,
பன்மொழியும் பழமொழிதான் !
இமை வலைந்து வழிவகுக்க,
அவ்விடங்காட்ட புள்ளியிட்டு,
சின்னஞ்சிறு கோலமது,
என்னை சிக்கவைக்கும் சிறுபொறிதான் !
கண்ணிமைக்கும் நொடியதினில்,
இவ்வனைத்தும் நான் கடக்க,
செந்தமிழின் விழித்திரைக்கு,
நானும் அந்நியன் தான் !
#வினித் மணிமாறன்
இரவோடு உறவாடி, நிலவொளியின் குளிரளந்து ;
நிலவொலிந்த வேலையிலும், கண்ணிமைக்கா கைபேசி !
என் எழுத்தெல்லாம் அவளிருக்க;
அம்முகம்,
நிதனித்தம் நினைவிருக்க;
எழுந்தெழுந்து நான் கிறுக்க;
கசிவுண்ட பேனா முனை,
என் கண்கசிவை காணாதேனோ !
விடிந்தும் தூங்காமல்,
விதியென ஏங்காமல்,
என் சதியை காணாமல்,
வீழுந்திரந்து போனாலும்,
மண் மசைக்கும் முன்னாலே,
என்னை பெற்றவளின் கருநகலே,
உன் மடிகடத்தி நான் கிடக்க,
இடிகடந்து நீ இறைக்க,
என் உயிர் கடக்கும் ஒருநொடியும்,
ஒன்றான ஓர் நொடிதான் !
#வினித் மணிமாறன்
முன்பெழுதிய கவிதையின் ஆழம் ,
அடுத்த பக்கம் பதிந்தாலும் ,
அதை படிக்காமல்,
எழுதி தேய்ந்த பேனா முனை,
காகிதத்தை கீராமல் தடவி மொழுவ;
வடிந்த வார்த்தைகள் ஒவ்வொன்றும் விடியலை தேட !
கிடப்பில் கிடந்த ஆசைகள் யாவும் அசைக்க நினைக்கிறது,
இருந்தும் அசையா விசையாய் திசையெட்டும் தேடுகிறேன் ,
அவள் கடல் கடந்தாலோ;
நான் அவள் கடல் கடந்தேனோ !
என்று கடைந்தும், கடையா பதிலின் கேள்வியாய் நிற்கிறேன்....
இவ்வாண்டும் காதல் அற்ற காதலர் தினத்தில் !
#வினித்_மணிமாறன்
காதல் தேக்கி, அதில் காந்தம் ஏத்தி !
காரிருளிலும் என் போர்வைக்குள் விளக்கேற்றி,
என் கைகோர்க்கும் கோர்வையாய்,
என்னை கைதாக்கும் பார்வையாய் !
என் கை தாக்கும் கடவுச்சொலாய் !
கரு மை பூசிய கருமையாய் !
என் கண் மூட,
செந்திரையில் மிதக்கும் செல் சொல்லும் ;
கவிதை பெட்டகத்தின் அள் அவள் !
அள் ~ பூட்டு
#வினித்_மணிமாறன்
